作词 : 仁增尖措
作曲 : 娘泽加
ཆོལ་གསུམ་བླ་སྲོག་སྐད་དང་ཡི་གེ་གཉིས།
སྲིད་ཇུས་བཟང་པོའི་སློབ་གསོས་བསྐྱངས་ཤིང་སྐྱོང་།
ན་ཆུང་བློ་རིག་འཕེལ་བའི་སྡིངས་ཀ་ཡག
ཤེས་བྱའི་རྒྱ་མཚོ་སྔོན་མོ་གཏམས་སེ་གཏམས།
གངས་ལྡོངས་གཙུག་ལག་སྒྲོན་མེ་སྦར་བའི་གནས།
ང་ཡི་སེམས་ཀྱི་སེམས་ཀྱི་རྟེན་ས།
བོད་རིགས་གདོང་དྲུག་གི
ཁྲི་རལ་མངོན་པར་དགའ་བའི་སློབ་གླིང་ནི་མཛེས་སོང་།
བྱིས་ཆུང་སེམས་པ་དཀར་པོའི་ལམ་སྟོན་དྲང་།
ཉེ་རིང་མེད་བའི་ཐུགས་བརྩེ་སྨིན་ཞིང་སྨིན།
ཉམས་དགའི་ལེགས་བཤད་སྤྲོ་སྐྱིད་འཛུམ་གྱིས་བསུ།
གཙུག་ནོར་དགེ་རྒན་བཟང་པོ་འཛོམས་སེ་འཛོམས།
མདོ་སྨད་གཡུ་མཚོ་ཁྲི་ཤོར་རྒྱལ་མོའི་འགྲམ།
ང་ཡི་སེམས་ཀྱི་སེམས་ཀྱི་རྟེན་ས།
ཤེས་རིག་ནོར་མཛོད་གཏེར།
དཔྱོད་ལྡན་མངོན་པར་དགའ་བའི་སློབ་གླིང་ནི་མཛེས་སོང་།
རིག་བཟང་གུས་ལྡན་བུ་སློབ་འཁྲུངས་སེ་འཁྲུངས།
སྣ་མང་ཤེས་བྱར་བརྩོན་འགྲུས་ཆེ་ཞིང་ཆེ།
རྒན་བཀུར་ཆུང་བྱམས་སེམས་པ་ལྡན་ཞིང་ལྡན།
རང་ཡུལ་འཛིན་སྐྱོང་གོམ་སྟབས་ཐྲིག་གེ་ཐྲིག
ཁྲི་ཀ་རྟེན་རྗོང་བཀྲ་ཤིས་གཡང་འཁྱིལ་དབུས།
ང་ཡི་སེམས་ཀྱི་སེམས་ཀྱི་རྟེན་ས།
ཁྲི་རལ་མངོན་དགའ་གླིང་།
སྟོང་ཆེ་བོད་ཡིག་སློབ་གྲྭའི་དགའ་ཚལ་ནི་མཛེས་སོང་།
ཁྲི་རལ་མངོན་དགའ་གླིང་།
སྟོང་ཆེ་བོད་ཡིག་སློབ་གྲྭའི་དགའ་ཚལ་ནི་མཛེས་སོང་།
དགའ་ཚལ་ནི་མཛེས་སོང་།
- 1 我心中的依靠