作词 : 叶热岗

作曲 : 佐庆丹真

ལམ་གྱི་ཀྱག་ཀྱོག

坎坷的路

ཚིག་རྩོམ་མཁན།གཡེ་རུས་རྐང་།

作词：叶热岗

དབྱངས་རྩོམ་མཁན། རྫོགས་ཆེན་བསྟན་འཛིན།

作曲：佐庆丹真

གླུ་ལེན་མཁན། ཚེ་རིང་ནོར་བུ།

演唱：次仁罗布

གླུ་གཞས་ཁྱབ་སྤེལ། ཤེར་བསྟན་འཕྲིན་སྟེགས་ལས་སྒྲུབ་ཁང་།

音乐宣传：谢旦贴吧工作室

འཇིག་རྟེན་འཁོར་བའི་འགྲོ་ལམ་རེ་རེར།

སྐྱོ་བ་ཆེ་འདུག་མ་ཟེར།

རང་རང་སེམས་ནས་འཁོར་བའི་དཀའ་སྡུག་ཐུབ་དགོས།

འཇིག་རྟེན་འཁོར་བར་འགྱུར་ལྡོག་ཆེ་ཡང་།

ཞེ་དང་སྣང་བས་འདང་བརྩེ་ངོམ་བཞིན།

རང་རང་འཚོ་བའི་རྨི་ལམ་བརྒལ་འགྲོ

འཇིག་རྟེན་འཁོར་བའི་འགྲོ་ལམ་རེ་རེར།

དཀའ་ཁག་མང་འདུག་མ་ཟེར།

རང་རང་སེམས་ནས་མདུན་ན་བློ་གཏད་རིང་དགོས།

འཇིག་རྟེན་འཁོར་བར་དཀའ་ཁག་ཆེ་ཡང་།

རླུང་དང་བསེར་བུའི་ཙག་ཁ་བརྒལ་བཞིན།

རང་རང་དགའ་བའི་ལམ་ལ་ཞུགས་འགྲོ

འཇིག་རྟེན་འཁོར་བའི་འགྲོ་ལམ་རེ་རེར།

སྙིང་བོ་མི་འདུག་མ་ཟེར།

རང་རང་སེམས་ནས་འཚོ་བའི་ཁ་ཕྱོགས་རྙེད་དགོས།

འཇིག་རྟེན་འཁོར་བ་གྲང་ངར་ཆེ་ཡང་།

གཏམ་དང་མི་ཁའི་འཇིགས་པ་བརྒལ་བཞིན།

རང་རང་སེམས་ཀྱིས་ལམ་ཁ་འཚོལ་འགྲོ